جت الحرارة في التليفون
حلمي حلمك علمي علمك (2)
د. أبو الحسن سلام
جت الحرارة في التليفون
جابت معاها صوت راجل
من طرف مناخيره اتكلم
من بعد ما .. تنحنح سلم
سلم وقال: لك في التفسير
أنا أصلي بحلم ياما.. كتير
فقلت له : قدّها وقدود
قال: فيه جدع قال إيه مسنود !!
في مشيته قال إيه مفرود
أما عنيه .. ربنا يستر
عينه ما يملاها إلاّ الدود
راكب أراضي ما لها حدود
لا ورث عن أب ولا جدود !!
تقاضيه معاه أوراق وشهود
جابهم منين .. الله أعلم !!
فيه ناس كده .. حظها ممدود
لا تحترم عهد ولا عقود
أدخل يا أستاذ في الموضوع ..
دا كان قولي !!
قال: أنا جايلك
"عملت للهانم توكيل ..
من بعد رجعتنا ف سهره ..
من حقها تبيعني أنا بيه
بحبها .. كنت أعمل إيه ؟!
ما هي أصلها ننوس .. مهره ..
وطلبت تأمين
ونا عادتي حتى في المجلس
مشهور بآمين
غاوية المظاهر والشهره
وحفظ القوانين
قهرتني إيه .. حتّت قهره
وفنّت تفانين
عنها اكتشفت إنها باعت
بنت الشياطين
كل اللي حيلتي لشاب بدقن
عويل وكهين
فسر لي إيه بقا معني الحلم
ياراجل ياأمين
ليست هناك تعليقات:
إرسال تعليق